«Реал» ҳимоячиси Рафаэль Варан Ла лиганинг қайта бошланиши борасида ўз фикрлари билан ўртоқлашди.
«Ўйинчилар учрашувларни интизорлик билан кутишмоқда. Бу иш — бизнинг турмуш тарзимиз, биз ҳамиша мусобақалашишни истаймиз. Биз анчадан бери футбол ўйнамаганмиз. Шу боис, жамоа ғалабага чанқоқ ва биз соврин ютиб олишни истаймиз. Ҳар доимгидек.
Бизнинг жисмоний ҳолатимиз кундан-кунга яхшиланмоқда. Биз жисмоний ҳолатимизни яхшилаш устида сидқидилдан ишлаяпмиз ва тактика борасида ривожланяпмиз.
Яхши формага кириб олишимиз ва футбол қайтганида бошқа рақиблар билан курашиш учун жиддий ишлашимиз керак», – деди Варан.