Мадриднинг «Реал» клуби бош мураббийи Зинедин Зидан «Челси»нинг бразилиялик футболчиси Виллиан билан бирга ишлаш ниятида эмас.
Шу йилнинг ёзида Виллианни «Челси» билан тузган шартномаси ўз якунига етади ва футболчи эркин агентга айланади.
Виллианнинг агенти ўз мижози хизматини «Реал» клубига тавсия қилди. Аввалига, «қаймоқранглилар» футболчини эркин агент сифатида қўлга киритишлари мумкинлигига қизиқишганди, бироқ, Зидан футболчининг ўйин услуби ва ёши «Реал» клубига мос келмаслигини билдирди.
Қайд этилишича, Виллианнинг агенти ҳозирда «Тоттенхэм» ва «Арсенал» клублари билан музокара олиб бормоқда.
