«ПСЖ» дарвозабони Марцин Булка кеча, 28 май оқшомида жиддий йўл-транспорт ҳодисасига учради. Footballogue Твиттери тарқатган хабарга кўра, 20 ёшли футболчига шикаст етмаган, аммо унинг "Lamborghini"сига анча зарар етди.

Воқеа Польшанинг Вишогруд шаҳри яқинидаги ҳудудда рўй берди. Шунингдек, маълумотга қараганда, Булка ушбу спорткарни ижарага олиб ҳайдаётган бўлган.

Польшалик посбон 2019 йилнинг ёзида «ПСЖ» аъзосига айланган эди. У парижликлар билан 2 йиллик шартнома имзолаган эди. Бунгача у «Челси»нинг ёшлар жамоаси шарафини ҳимоя қилган. 2019/20 йилги мавсумда Булка "Пари Сен-Жермен" сафида битта ўйинда майдонга тушди.