«Бавария» клуби ва Франция терма жамоаси собиқ футболчиси Вилли Саньол «Манчестер Сити» ҳужумчиси Лерой Саненинг мюнхенликлар сафига қўшилиши мумкинлиги ҳақидаги хабарларга ўз муносабатини билдирди.

«Сане характер жиҳатидан мюнхенликларга мос келмайди. У беқарор ўйинчи, бундан ташқари, жуда одамови. Менимча, у «Бавария»га умуман тўғри келмайди.

Сане «Манчестер Сити» ва Германия терма жамоасида кўп муаммо чиқарган. Айтишларича, у 80 миллион евро туради. Ундан кўра, яна 20 миллион қўшган ҳолда Кай Ҳаветрцни сотиб олган маъқул.

Ҳавертц «Бавария»га жуда мос плеймекер ҳисобланади, у Левандовскига яхши шерик бўлиши мумкин. Ахир Мюллер абадий ўйнай олмайди», — дейди Саньол.

Хабарларга кўра, Сане катта эҳтимол билан янги мавсумни немис клуби сафида бошлайди.

Эслатиб ўтамиз, Мюнхен клуби футболчини 2019 йилнинг ёзидаёқ олиб келишни мўлжал қилганди. Бироқ Леройнинг жиддий жароҳати мазкур келишувга рахна солганди. Мазкур жароҳат сабаб футболчи 2019/20 йилги мавсумда бирорта ҳам ўйин ўтказмади.