Ушбу рукнимиздаги энг сўнгги янгиликлар билан таништиришда давом этамиз.

“Вердер” ҳужумчиси “Юве” нишонида

Германиянинг “Вердер” клуби ҳужумчиси Эрен Динкчи фаолиятини “Ювентус”да давом эттириши мумкин.

“Fussbball” нашрининг маълум қилишича, туркиялик ёш футболчи ўзининг Бундеслиганинг ёшлар лигасидаги ўйинлари билан скаутлар назарига тушган.

Эслатиб ўтамиз, Эрен Динкчи 20 та ўйинда майдонга тушган бўлиб, 22 та гол ва 12 та аниқ узатмани амалга оширган.

Погба кетмоқчи

“Манчестер Юнайтед”н ярим ҳимоячиси Пол Погба ёзда жамоани тарк этишни истмоқда.

Буҳақида “Le10sport” нашримаълумқилмоқда. Унга кўра, футболчи аллақачон ПСЖ билан музокаралар ўтказишни бошлаб юборган.

Эслатиб ўтамиз, Пол ушбу мавсумда АПЛнинг атиги 7 та ўйинида майдонга тушди ва ўз ҳисобига 2 та гол ёзиб қўйди.

“Юве” ўз услубида

Туриннинг “Ювентус” жамоаси Пянични “Барселона”га таклиф қилиш орқали Филиппе Коутинони қўлга киритишни режа қилмоқда.

“Tuttosport” нашрининг маълум қилишича, “Бавария”да ижара асосида тўп тепаётган Коутино учун “Ювентус” ортиқча пул сарф этмай туриб қўлга киритмоқчи.

Эслатиб ўтамиз, Филиппе учун “Барселона” 80 миллион евро талаб қилмоқда. “Бавария” бразилиялик футболчининг трансфер ҳуқуқини сотиб олишдан бош тортди.

Янги Пирло учун кураш авжида

Италиянинг “Брешиа” жамоаси ярим ҳимоячиси Сандро Тонали учун асосий даъвогар Миланнинг “Интер” жамоаси бўлиб турибди.

“CorrieraDellaSport” нашрининг маълум қилишича, “кўк-қора”лар аллақачон футболчи билан шахсий шартнома борасида келишувга эришиб бўлган. Унга кўра, клуб Тоналига йилига 2,5 миллион евро маош кўрсатилган 3 йиллик шартнома таклиф этади.

Эслатиб ўтамиз, “Брешиа” ярим ҳимоячи учун 50 миллион евро талаб қилмоқда.      Футболчи билан шунингдек, ПСЖ ва Италиянинг бошқа грандлари қизиқиб қолган.

Виллиан келади, бироқ

Лондоннинг “Тоттенҳем” жамоаси ёзда Виллианни эркин агент сифатида қўлга киритиш ишларини бошлаб юборганидан хабарингиз бор.

“TheSun” нашри берган маълумотларга қараганда, “Тоттенҳем” Эрик Ламелани сотувга қўйсагина, Виллианни жамоага қўшиб олиши мумкин. Гап шундаки, “шпорлар”да футболчиларнинг маоши борасида муаммолар келиб чиқиши мумкин. Шу боис, Лондон клуби аввалига Ламелани сотиб юборади ва кейин Виллиан билан шартнома имзолайди.

Эслатиб ўтамиз, бразлиялик ярим ҳимоячининг ҳизматлари билан “Интер”, “Барселона” ва “Манчестер Юнайтед” жиддий қизиқиш билдирган.