Босния ва Герцеговина футбол ассоциацияси ижроқўми мамлакат чемпионати ва Кубогини муддатидан аввал якунлаш ҳақида қарор қабул қилди. Мавсум тўхтаб қолган пайтдаги турнир жадвалининг кўриниши якуний сифатида тан олинди.
Унга кўра, "Сараево" клуби кетма-кет иккинчи мавсумда чемпионликни қўлга киритди. "Железничар", "Зриньски" ва "Борац" клублари Европа лигаси йўлламасини қўлга киритган бўлса, "Челик" ва "Звезда 09" клублари қуйи дивизионга тушириб юборилди.
Чемпионатда 22та тур ўйинлари ўктазилган бўлиб, мавсум охирига қадар яна 11та тур қолган эди. Кубок эса ярим финал босқичида тўхтаб қолди.
Босния ва Герцеговина соғлиқни сақлаш вазири камида 1 июлгача мамлакатда футбол ўйинларини ўтказиш мумкин эмаслиги ҳақида қароридан сўнг Ассоциация мавсумни якунлаш ҳақида қарор қилди.
Ушбу қарор баъзи жамоаларга ёқмади. Масалан, "Железничар" клуби пешқадам "Сараево"дан бор-йўғи 3 очко ортда қолаётган эди.