"Прессбол" нашри Беларусь чемпионатининг ушбу мавсумида самарали фаолият юритаётган легионерлардан рамзий жамоа тузиб чиқди.

Рамзий жамоанинг ҳужум чизиғига "Энергетик-БГУ" аъзоси Жасур Яхшибоев ҳам киритилди. Нашр ўзбекистонлик футболчига қуйидагича таъриф берди:

"Ўзбекистонлик ёш футболчи мавсумни жуда кучли бошлади. Илк турдаёқ у БАТЭ мудофаасини янчиб ташлади ва дублга эришди. Амалда 22 ёшли ўйинчи катта футболдаги илк мавсумини ўтказмоқда. Шу пайтгача у Ўзбекистон миллий жамоасида бор-йўғи 2та ўйинда майдонга тушган эди. Яхшибоев ушбу мавсумда самарали ҳаракатлари орқали 8 очко тўплади (7 гол + 1 узатма). Ҳужумчи ҳар бир ўйинда юзага келаётган имкониятларнинг учдан биридан унумли фойдаланганида эди, уларнинг сони янада кўпроқ бўлар эди. Шунга қарамай, клуб бош мураббийи унинг ўйинидан қониқиш ҳосил қилмоқда".

Беларусь чемпионати легионерлар рамзий жамоаси (2020):

Дарвозабон: Родион Сямук ("Торпедо-БелАЗ", Украина);

Ҳимоячилар: Александар Филипович (БАТЭ, Сербия), Дмитрий Яшин ("Торпедо-БелАЗ", Россия), Никола Антич ("Шахтёр Солигорск", Сербия);

Ярим ҳимоячилар: Юлиус Сзоке ("Шахтёр Солигорск", Словакия), Неманя Милич (БАТЭ, Сербия), Габриэл Рамос ("Торпедо-БелАЗ", Бразилия), Гегам Кадимян ("Неман", Арманистон);

Ҳужумчилар: Момо Янсане ("Ислочь", Гвинея), Ион Николаеску ("Витебск", Молдова), Жасур Яхшибоев ("Энергетик-БГУ, Ўзбекистон).

Мураббий: Юрий Вернидуб (Украина).