"Pressbol" nashri Belarus chempionatining ushbu mavsumida samarali faoliyat yuritayotgan legionerlardan ramziy jamoa tuzib chiqdi.

Ramziy jamoaning hujum chizig‘iga "Energetik-BGU" a’zosi Jasur Yaxshiboyev ham kiritildi. Nashr o‘zbekistonlik futbolchiga quyidagicha ta’rif berdi:

"O‘zbekistonlik yosh futbolchi mavsumni juda kuchli boshladi. Ilk turdayoq u BATE mudofaasini yanchib tashladi va dublga erishdi. Amalda 22 yoshli o‘yinchi katta futboldagi ilk mavsumini o‘tkazmoqda. Shu paytgacha u O‘zbekiston milliy jamoasida bor-yo‘g‘i 2ta o‘yinda maydonga tushgan edi. Yaxshiboyev ushbu mavsumda samarali harakatlari orqali 8 ochko to‘pladi (7 gol + 1 uzatma). Hujumchi har bir o‘yinda yuzaga kelayotgan imkoniyatlarning uchdan biridan unumli foydalanganida edi, ularning soni yanada ko‘proq bo‘lar edi. Shunga qaramay, klub bosh murabbiyi uning o‘yinidan qoniqish hosil qilmoqda".

Belarus chempionati legionerlar ramziy jamoasi (2020):

Darvozabon: Rodion Syamuk ("Torpedo-BelAZ", Ukraina);

Himoyachilar: Aleksandar Filipovich (BATE, Serbiya), Dmitriy Yashin ("Torpedo-BelAZ", Rossiya), Nikola Antich ("Shaxtyor Soligorsk", Serbiya);

Yarim himoyachilar: Yulius Szoke ("Shaxtyor Soligorsk", Slovakiya), Nemanya Milich (BATE, Serbiya), Gabriel Ramos ("Torpedo-BelAZ", Braziliya), Gegam Kadimyan ("Neman", Armaniston);

Hujumchilar: Momo Yansane ("Isloch", Gvineya), Ion Nikolayesku ("Vitebsk", Moldova), Jasur Yaxshiboyev ("Energetik-BGU, O‘zbekiston).

Murabbiy: Yuriy Vernidub (Ukraina).