«Байер» клуби ярим ҳимоячи Кай Хаверцни 80 млн еврога «Реал»га сотмади.

"Bild" нашри тарқатган хабарга кўра, «қаймоқранглилар», шунингдек, 20 ёшли футболчини сотиб олиб, уни бир йилга Леверкузенда ижарада қолдиришни таклиф қилишди. Аммо «Байер» бундай шартга рози бўлмади. Чунки германияликлар уни 100 млн еврога сотишмоқчи.

Аввалроқ «Реал» бош мураббийи Зайниддин Зидан ёзда харид қилиниши керак бўлган футболчилар рўйхатининг биринчи поғонасига Хаверцни қўйгани ҳақида хабар тарқалган эди. Аммо кейинчалик "Marca" нашри иқтисодий инқироз туфайли мадридликлар уни сотиб олиш қобилиятига эга эмаслигини ёзганди.

Хаверц 2019/20 йилги мавсумда «Байер» сафида 38та ўйинда майдонга тушиб, 15та гол урди ва 8та голга узатма берди. Унинг жамоа билан шартномаси 2022 йилнинг ёзига қадар тузилган.