«Барселона»нинг франциялик ҳужумчиси Антуан Гризманн фаолияти давомида МЛСда ўйнаш нияти эканлигини яширмади.

«Мен «Барселона» билан энг нуфузли мусобақалар – Примера ва Чемпионлар Лигасида ғолиб чиқмоқчиман. Бу нафақат менинг хоҳишим, балки, жамоанинг асосий мақсади. Буларни қўлга киритгандан кейин исталган нарсалар ҳақида ўйлаш мумкин. Олдинда мени Қатарда бўлиб ўтадиган Жаҳон Чемпионати кутиб турибди, ЖЧдан кейин МЛС ҳақида ўйлаш мумкин.

Мен ҳақиқатдан ҳам АҚШ чемпионатида ўйнашни хоҳлайман, у чемпионатда ўйнаш учун бор кучимни ишга соламан. Фаолиятимни айнан АҚШда якунлаш ниятим бор. Мен ўзим учун чемпионликни қўлга киритишга ҳаракат қиладиган жамоа топаман деб ҳаракат қиламан», — деди Антуан Гризманн.