Англиянинг «Ливерпуль» клуби собиқ футболчиси Жейми Реднапп Тимо Вернерни «Челси» клубига ўтиши мумкинлиги ҳақидаги хабарларга ўз муносабатини билдирди.

«Кўринишидан, Лэмпард Вернерни "Челси"га ўтишига ишонтира олди. Қандай қилиб Лэмпард буни "Челси"нинг ЕЧЛда ўйнаши аниқ бўлмаган муҳитда амалга оширганига ҳайронман. Ўйлайманки, Вернер «Стемфорд Бридж»да асосий таркибда майдонга тушишни англади, чунки, Виллиан ва Педроларнинг шартномалари якунланиб бормоқда.

Тимо – ажойиб футболчи. Лекин, у ҳозирда «Ливерпул»нинг пойдевори бўла олишига шубҳа қиламан. Мане, Салах ёки Фирминолар ўз жойларини унга бўшатиб беради деб ўйламайман. Бу айни пайтдаги энг кучли ҳужумкор трио саналади.

Афтидан, Вернер заҳира футболчисига айланишни хоҳламади», — деди Жейми Реднапп.