Opta порталининг тарқатган маълумотига қараганда, Германиянинг «Фортуна» клуби ҳужумчиси Роувен Хеннингс Европанинг кучли бешлик чемпионати футболчилари орасида юзага келган имкониятларни голга айлантиришда пешқадамлик қилмоқда. 32 ёшли футболчи жорий мавсум 17 та голли вазиятнинг 13 тасини аниқ дарвозага йўллай олди -76,5%.

Иккинчи ўринда эса Франциянинг «Лион» клуби ҳужумчиси Мусса Дембеле эгаллаб турибди — 18 та имкониятнинг 13 тасидан унумли фойдаланган (72,2%), учинчи ўрин эса «Аталанта» ҳужумчиси Йосип Иличич тегишли — 17 имкониятдан 12 та самарали натижа (70,6%).

Туриннинг «Ювентус» клуби ҳужумчиси Криштиану Роналду эса ушбу рўйхатнинг еттинчи ўринида турибди - 22 та вазиятнинг 15 тасидан аниқ фойдаланган (68,2%).