Европа чемпионлар лигасининг жорий йилдаги финали катта эҳтимол билан Истанбулда ўтказилмайди. УЕФА ҳозирда мусобақанинг ҳал қилувчи босқичини ўтказиш учун жой қидирмоқда.
Мадрид мэри Хосе Луис Мартинес-Алмейда мавсумнинг асосий футбол учрашувини Испания пойтахти қабул қилишга тайёр эканини маълум қилди.
"Ҳозир Чемпионлар лигаси финалига мезбонлик қиладиган шаҳар қидирилаётганидан хабарим бор. Шуни ишонч билан айта оламанки, Мадрид финални қабул қилишга тайёр. Бизда инфратузилма ва хавфсизлик учун барча чоралар мавжуд. Мадрид кўп қийинчиликларни бошдан кечирганига қарамай, синиб қолмагани — бутун жаҳон учун яхши сигнал бўлиши мумкин", - деди Мартинес-Алмейда.
Эслатиб ўтамиз, ўтган йили ЕЧЛ финал учрашуви "Ванда Метрополитано" стадионида ўтказилган эди.