Лондоннинг "Арсенал" клуби ўртоқлик ўйинида Чемпионшип вакили "Брентфорд"га мағлуб бўлди. Мазкур ўйинда "арилар" 3:2 ҳисобида ғалаба қозонди. Ўйин ёпиқ эшиклар остида бўлиб ўтди.
Биринчи бўлимда "канонирлар" 1:0 ҳисобида ғалаба қозонишди, бироқ иккинчи таймда "Брентфорд" 3та гол уришга эришди. "Тўпчилар" эса унга яна битта гол билан жавоб қайтаришди.
Аввалроқ, "Арсенал" "Эмирейтс"да "Чарльтон" билан назорат учрашуви ўтказиб, йирик 6:0 ҳисобида ғалаба қозонган эди.
Эслатиб ўтамиз, Англия чемпионати ҳам кўплаб мусобақалар сингари коронавирус пандемияси туфайли тўхтатилган эди. АПЛ 17-июнда қайта бошланиши режалаштирилмоқда.