Каталониянинг «Барселона» клуби собиқ ҳужумчиси Самюэль Это’О «Интер» ҳужумчиси Лаутаро Мартинес Испаниянинг амалдаги чемпионлари таркибига кўчиб ўтиши мумкинлиги ҳақидаги хабарларга ўз муносабатини билдирди.

— Менга Суарес ёқади. У «Барселона» тарихидан жой олишга улгурди. У ўз позицияси бўйича дунёнинг энг яхши футболчиларидан бири ҳисобланади. Суарес — генерал ва биз уни бу унвонидан ҳозирча маҳрум қила олмаймиз. Лаутаро «Интер»да муваффақият қозонмоқда, лекин биз Суареснинг тарихини унута олмаймиз. Аммо, бу жамоага бошқа футболчини жалб қилиш учун ҳалақит бермайди, — деди Это’О.

Аввалроқ, «Барселона» 7 июлга қадар Лаутаро Мартинеснинг трансферини расмийлаштириш борасидаги хабарлар тарқатилганди.