Туриннинг «Ювентус» клуби бош мураббийи Маурицио Сарри жамоа ярим ҳимоячиси Миралем Пьянич ҳақида фикр билдирди.
Айни пайтда Миралем Пьяничга «Барселона» ва ПСЖ клублари жиддий қизиқиш билдиришмоқда.
«Пьянич каратингача бўлган вақтдан кўра, ҳозир яхши ҳолатда. У ажойиб футболчи эканлигини унутмаслик керак. У бир ўйинда икки ёки уч марта хато қилиши мумкин, кейин бошини кўтаради ва ўзига бўлган ишончни қайтариб олади. Унинг ҳолати яхшиланганини машғулотларда кўрдим, Миралем тўғри йўлдан кетмоқда», - деди Сарри клуб расмий сайтига.
