"Реал Мадрид" иштирокидаги уй ўйинларни шарҳлаганда йиллар давомида бир хил ибора билан бошлардик. Мадрид, Сантьяго Бернабеу стадиони! Аммо бу сафар ундай бўлмайди, кўп нарса ўзгарди. Менинг хотирамда биринчи бор "Реал" Ла Лига доирасидаги расмий ўйинини захира стадионида ўтказади. Демак, Мадрид, Альфредо Ди Стефано стадиони!
"Реал Мадрид" - "Эйбар"
Чемпионлик учун курашда "Реал" 2 очко фарқ билан иккинчи ўринда кетмоқда. Қоқилса, фарқ ошишини тушуниб турибди. "Эйбар"нинг мотивацияси эса Ла Лига рўйхатидан ўчиб ёки учиб кетувчилар қаторига тушиб қолмаслик. "Эйбар" учун плюс тарафи "Реал"нинг одатий комфорт зонасидан четга чиқиб, кичкинагина бўш стадионда ўйнаши. "Реал" учун плюс кўпгина футболчилар жарохатидан қутилиши, шунингдек, "Бетис"дан учралган мағлубият кайфияти унутилгани.
Эртага маълум бўлади, ким карантинни уй спорт залида ўтказдию, ким бувисиникида.
Биргаликда кўрамиз!
14 июнь, якшанба, 22:30
"Реал Мадрид" - "Эйбар"
FUTBOL-TV. Live!
Даврон Файзиев.