Ўзбекистон Суперлигаси 4-туридан ўрин олган "Насаф" ҳамда "Навбаҳор" жамоалари ўртасидаги ўйин 2:2 ҳисобида якунланди.

Учрашув кутилганидек ҳужумкор бошланди. Ўйиннинг 5-дақиқасидаёқ "лочинлар" футболчиси Мирзохид Ғофур ҳисобни очишга эришди. Орадан 3 дақиқа ўтиб мезбонлар футболчиси Умар Эшмуродов пенальтидан фойдалана олмади. Ўйиннинг 10-дақиқасида эса бош ҳакам "Насаф" дарвозаси томон пенальти белгилади. Энг қизиғи, 11 метрлик нуқтага яқинлашган Азиз Турғунбоев ҳам имкониятдан фойдалана олмади. Учрашувнинг биринчи бўлими наманганликларнинг ғалабаси билан якунланди.

Иккинчи бўлимнинг 66-дақиқасида Бобир Абдуҳолиқов ҳисобни тенглаштирди. Орадан 3 дақиқа ўтиб, Забихилло Ўринбоев яна "лочинлар"ни олдинга олиб чиқди. 

Ўйиннинг 86-дақиқасида "Насаф" легионери Марко Станоевич ҳисобни тенглаштирди ва ўйинга нуқта қўйди. Шу тариқа, жамоалар 1 очкодан ишлаб олишди.

Суперлига, 4-тур.

«Насаф» — «Навбаҳор» - 2:2

Голлар: Бобир Абдихолиқов 66, Марко Станоевич 87 - Мирзоҳид Ғофуров 5, Забиҳулло Ўринбоев 69.

«Насаф»: 21. Машҳуржон Муҳаммаджонов, 4. Ҳусниддин Алиқулов, 5. Ғолиб Ғайбуллаев (9. Харис Дилавeр, 80), 10. Бобир Абдихолиқов, 14. Шароф Муҳитдинов, 15. Жўрабeк Маннонов (6. Муродбeк Хўжамбeрдиев, 75), 20. Ислом Кeнжабоев (34. Шeрзод Насруллаев, 46), 22. Акмал Мозговой (7. Дилшод Раҳматуллаев, 75), 77. Ойбeк Бозоров, 88. Марко Станоевич, 92. Умарбeк Эшмуродов.

«Навбаҳор»: 1. Ўткир Юсупов, 7. Азимжон Аҳмeдов, 9. Иван Соловьёв, 10. Азизбeк Турғунбоев (95. Забиҳулло Ўринбоев, 46), 11. Исломбeк Исоқжонов (20. Амирбeк Жўрабоев, 77), 15. Обид Жўрабоев, 19. Мирзоҳид Ғофуров, 22. Игорь Голбан, 27. Ислом Рашидхонов, 28. Хуршидбeк Мухторов, 70. Аббосжон Ғуломов.

Амалга оширилмаган пенальтилар: Умар Эшмуродов 8 (дарвозабон), Азизбек Турғунбоев 10 (дарвозабон).