Германия чемпионатининг ушбу мавсум якунланишига 2 тур қолганида чемпион жамоа номи аниқ бўлди. "Бавария" сафарда "Вердер"ни мағлубиятга учратиб, ўз тарихида 30-чемпионликни расмийлаштирди.

Мюнхенликлар биринчи бўлимда рақиб дарвозаси томон кўп ҳужумлар уюштиришди. Тайм тугашига 2 дақиқа қолганида Боатенг берган узатма натижасида Левандовски дарвозабон билан яккама-якка вазиятга чиқиб, ҳисобни очди.

Иккинчи бўлимда ҳам ташаббус "Бавария" томонида бўлди, аммо улар ғалабани қўлдан чиқаришлари мумкин эди. Дастлаб 77-дақиқада Нойер тўпга чиқишда хатога йўл қўйди, аммо бременликлар бўш дарвозани ишғол эта олишмади.

Орадан 2 дақиқа ўтиб Алфонсо Дэвис иккинчи сариқ карточка туфайли майдонни тарк этди. Иккинчи бўлимга қўшиб берилган дақиқаларда эса Нойер жамоасини муқаррар голдан қутқариб қолди.

Шу тариқа, "Бавария" Бундеслига ғолибига айланди.

Германия Бундеслига, 32-тур
Вердер – Бавария 0:1 (0:1, 0:0)
Гол: 0:1 – 43 Левандовски.
Вердер – Павленка, Гебре Селассие, Фридль, Велькович (Писарро, 88), Фогт (Лангкамп, 46), Битенкур (Сарджент, 62), Эггештайн, Рашица (Бартельс, 62), Классен (Фюллькруг, 84), Мойсандер, Осако.
Бавария – Нойер, Боатенг, Павар, Алаба, Киммих, Гнабри (Люка Эрнандес, 82), Дэвис, Горетцка, Коман, Левандовски, Мюллер.
Огоҳлантиришлар: Дэвис (19), Эггештайн (56), Лангкамп (88), Киммих (89).
Четлатиш: Дэвис (79).