19 июнь куни Coca Cola Cуперлигада 5-тур ўйинлари старт олади.

Турнинг марказий учрашуви шубҳасиз пойтахтда бўлиб ўтади. Унда «Пахтакор» «Бунёдкор» жамоалари ўзаро тўқнаш келади. Дастлабки тўрт турдан кейин турнир жадвалида тўққиз очко билан 2-3-ўринларни эгаллаб турган жамоалар ўртасидаги баҳс қизиқарли кечишига шубҳа йўқ. 

Ўзбекистон Профессионал футбол лигаси учрашувни бошқариб борадиган ҳакамлар бригадасини маълум қилди. Унга кўра пойтахт дербиси Шерзод Қосимовга ишониб топширилди. Ёшлар биринчилиги доирасидаги баҳсда эса, Раҳим Каримов ишлайди. Беллашувда «Пахтакор» жамоаси тўлиқ оқ, «Бунёдкор» футболчилари тўлиқ кўк рангдаги либосларда ҳаракат қилади.

Ўринбосарлар ўртасидаги баҳс «Бунёдкор» академиясининг 1-майдонида бўлиб ўтади. Тақвимга кўра, мазкур ўйин мезбони «Пахтакор». «Пахтакор» ўринбосарлари уй учрашувларини Қибрайдаги «Марказий» стадионда ўтказади. Республика Махсус комиссиясининг қарорига кўра, Қибрай тумани қизил ҳудудга киритилган. Шу сабабли бу ҳудудда ўйин ўтказишнинг имкони йўқ. Шунинг учун ушбу беллашув «Бунёдкор» академияси майдонида ўтказилади. Иккинчи даврада аксинча «Бунёдкор» мезбонлигидаги ўйин Қибрайда бўлиб ўтади.

ЁШЛАР БИРИНЧИЛИГИ. 5-ТУР
«ПАХТАКОР» – «БУНЁДКОР»
18 июнь. Тошкент. «Бунёдкор» академияси майдони. 18:30
Бош ҳакам: Раҳим Каримов. 
Қанот ҳакамлари: Отабек Қосимов, Фаррух Йўлдошев. 
Захирадаги ҳакам: Даврон Акмалов.
Назоратчи: Ғайрат Каримов.
Комиссар: Лазиз Қўчқоров.

СOCA COLA СУПЕРЛИГА. 5-ТУР
«ПАХТАКОР» – «БУНЁДКОР»
19 июнь. Тошкент. «Пахтакор» Марказий стадиони. 20:00
Бош ҳакам: Шерзод Қосимов. 
Қанот ҳакамлари: Санжар Шоюсупов, Алишер Усмонов. 
Захирадаги ҳакам: Раҳим Каримов.
Назоратчи: Ғайрат Каримов.
Комиссар: Лазиз Қўчқоров.