"Насаф" жамоасига қарши кечган учрашувдан сўнг "Бухоро" бош мураббийи Муҳсин Муҳаммадиев ўз фикрлари билдириб ўтди:
"Ўйин жудаҳам оғир ўтди, катта устунлик "Насаф" жамоасида бўлиб, улар томонидан кўплаб вазиятлар содир этилди. Лекин, бизнинг йигитлар ўзларига юклатилган вазифаларни қийин бўлишига қарамай аъло даражада бажаришди. "Насаф" футболчилари менимча узоқ тайёргарлик кўришган машғулотларда, афсуски бизда бундай имконият йўқ эди. Биз энди энди мавсумга киришиб боряпмиз, мавсумнинг тезда бошланиб кетиши бизда озгина муаммоли ўтяпти. Афсуски бугун, Бехруз Шодмонов жароҳат олиб майдонни вақтли тарк этди. Бу биз учун қайғули ҳолат.
Шу фурсатда барча футболчиларимга охиригача мардонавор курашганлари учун ўз ташаккуримни билдираман. Сафардан очко билан қайтишимиз, бизни хурсанд қилмасдан қўймайди. Секин аста кучайиб борамиз. Ҳаммага раҳмат", -деди мураббий.
