Англиянинг «Манчестер Сити» клуби ҳужумчиси Серхио Агуэронинг агенти Эрнан Регера мижози ҳақида фикр билдирди.
Италиянинг «Наполи» ва «Интер» клублари Агуэрони ўз сафига чорламоқда.
«Мен ушбу масалага нуқта қўймоқчиман. Серхио «Манчестер Сити»ни тарк этиш ҳақида ўйламаяпти. Агар бу ҳақда ким хабар тарқатаётган бўлса, билингки, буларнинг барчаси ёлғондир.
Агуэро Манчестерда бахтли. А Серия клублари ҳақидаги хабарларга тўхталадиган бўлсам, у клублардан ҳеч қандай расмий таклиф тушмади», - агентнинг сўзларидан иқтибос келтирмоқда Area Napoli.
