Италиянинг «Брешиа» клуби ҳужумчиси Марио Балотелли раҳбарияти билан низоларни давом эттирмоқда. Шу йилнинг ёзида унинг шартномаси якунланади. Балотелли эркин агентга айланади ва «Брешиа» В Серияга тушиб кетиши маълум бўлиб бормоқда.
Тахминларга кўра, Балотеллига Аргентина клубидан таклиф тушмоқда. 30 ёшли ҳужумчини Аргентинанинг «Бока Хуниорс» клуби ўз сафига чорламоқда. Ушбу клуб билан футболчининг агенти Мино Райола яхши муносабат ўрнатди.
Марио жорий мавсум 12 та учрашувда майдонга тушди ва 5 та гол киритди.
