Бугун Европа лигаси мусобақасининг плей-офф босқичига қуръа ташлаш маросими бўлиб ўтади. Ушбу тадбирга оид муҳим маълумотлар билан таништириб ўтамиз.
Қачон?
Маросим 10 июль куни Тошкент вақти билан 16:00да бошланади.
Иштирокчи жамоалар
Чорак финал ва ярим финал босқичи учун ташланадиган қуръада қуйидаги жуфтликлар ғолиблари иштирок этишади.
"Истанбул Башакшехир" (Туркия) / "Копенгаген" (Дания)
"Олимпиакос" (Греция) / "Вулверхэмптон" (Англия)
"Рейнжерс" (Шотландия) / "Байер" (Германия)
"Вольфсбург" (Германия) / "Шахтер" (Украина)
"Интернационале" (Италия) / "Хетафе" (Испания)
"Севилья" (Испания) / "Рома" (Италия)
"Айнтрахт" (Германия) / "Базель" (Швейцария)
ЛАСК (Австрия) / "Манчестер Юнайтед" (Англия)
Қуръа тартиби
Чорак финал ва ярим финал босқичи учун қуръадан ташқари, финалда номинал мезбон жамоа номини аниқлаш мақсадида қуръа ташланади.
Барча жараён "кўр-кўрона" қуръа тарзда ўтказилади. Жамоалар саватчаларга ажратилмайди, бир мамлакат вакиллари ўзаро тўқнаш келиши мумкин. Эҳтимолий чекловлар ҳақида УЕФА қуръадан аввал маълумот беради.
Учрашувлар қаерда ўтказилади?
Европа лигасининг чорак финал, ярим финал ва финал учрашувлари август ойида "саккиз финалчи" форматида Германиянинг 4та шаҳри — Кёльн, Дуйсбург, Дюссельдорф ва Гельзенкирхенда ўтказилади. Ҳар бир босқич битта учрашувдан иборат бўлади.
Учрашувларга мезбонлик қиладиган стадионлар:
"Кёльн", Кёльн (финал)
"MSV Арена", Дуйсбург
"Дюссельдорф Арена", Дюссельдорф
"Арена АуфШальке", Гельзенкирхен
Тақвим
1/8 финал ўйинлари (5-6 август)
Жавоб ўйинлари номинал мезбон майдонида ўтказилади:
«Шахтёр» — «Вольфсбург» (2:1)
«Байер» — «Рейнжерс» (3:1)
«Вулверхэмптон» — «Олимпиакос» (1:1)
«Манчестер Юнайтед» — ЛАСК (5:0)
«Базель» — «Айнтрахт» (3:0)
«Копенгаген» — «Истанбул Башакшеҳир» (0:1)
Германиядаги битта учрашувда аниқланади:
«Хетафе» — «Интер»
«Рома» — «Севилья»
10-11 август: Чорак финал
16-17 август: Ярим финал
21 август: Финал (Кёльн)
