«Тоттенхэм» устози Жозе Моуриньонинг фикрига кўра, кечаги ўйинда унинг шогирдлари ғалабага лойиқ эди.

«Борнмут»га қарши ўйинда "шпорлар" рақиб дарвозасига бирорта ҳам аниқ зарба йўллай олишмади. Ўйин бошларида эса баҳсли вазият юзага келди, Кейн рақиб жарима майдонида рақиб ҳимоячиси билан тўқнашиб, йиқилиб тушди. Моуриньюнинг фикрича, бу пенальти эди, аммо ҳакамнинг қарори жамоасини керакли очколардан маҳрум қилди.

«Бу ҳолат ҳақида ҳеч нарса демаслигим кераклигини ҳамма билади. Ўйиннинг энг яхшиси майдондаги бирор бир футболчи эмас.

Биз яхши ўйнамадик, аммо шунинг ўзи ҳам ғалаба қозониш учун етарли эди. "Шеффилд"га қарши ўйинда ҳам VARга қараб қарор чиқарган ҳакам шу эди. Бу Майкл Оливер. Пенальти борлигини ҳамма билади, бу фақат менинг фикрим эмас.

Кейн пенальтидан аниқ гол урарди, деб айта олмайман, аммо унинг бу борадаги самарадорлиги жуда юқори. Биз бешинчи дақиқадаёқ 1:0 ҳисобида олдинга чиқиб олганимизда ўйин умуман бошқача бўларди", – деди Жозе.