«Tottenxem» ustozi Joze Mourinyoning fikriga ko‘ra, kechagi o‘yinda uning shogirdlari g‘alabaga loyiq edi.

«Bornmut»ga qarshi o‘yinda "shporlar" raqib darvozasiga birorta ham aniq zarba yo‘llay olishmadi. O‘yin boshlarida esa bahsli vaziyat yuzaga keldi, Keyn raqib jarima maydonida raqib himoyachisi bilan to‘qnashib, yiqilib tushdi. Mourinyuning fikricha, bu penalti edi, ammo hakamning qarori jamoasini kerakli ochkolardan mahrum qildi.

«Bu holat haqida hech narsa demasligim kerakligini hamma biladi. O‘yinning eng yaxshisi maydondagi biror bir futbolchi emas.

Biz yaxshi o‘ynamadik, ammo shuning o‘zi ham g‘alaba qozonish uchun yetarli edi. "Sheffild"ga qarshi o‘yinda ham VARga qarab qaror chiqargan hakam shu edi. Bu Maykl Oliver. Penalti borligini hamma biladi, bu faqat mening fikrim emas.

Keyn penaltidan aniq gol urardi, deb ayta olmayman, ammo uning bu boradagi samaradorligi juda yuqori. Biz beshinchi daqiqadayoq 1:0 hisobida oldinga chiqib olganimizda o‘yin umuman boshqacha bo‘lardi", – dedi Joze.