Мадриднинг "Реал" клуби ярим ҳимоячиси Эден Азар Ла Лиганинг 35-туридан ўрин олган "Алавес"га қарши ўйинда майдонга тушишга тайёр. Бу ҳақда клуб бош мураббийлари Зинедин Зидан маълум қилди.
"Азарда кичик жароҳатлар бўлди, аммо эски жароҳатини янгиламади. У гуруҳ машғулотларида иштирок этмоқда. Умид қиламанки, у чемпионатнинг қолган 4та ўйинида, шунингдек, Чемпионлар Лигасида иштирок эта олади.
У майдонга қайтишни истаяпти ва жароҳатини янгилаб олишдан чўчимаяпти. Тиббиётда тажрибаси бор одамлар тасдиқлаши мумкин, ўйиндан ёки машғулотдан кейин оғриқ сезиш – табиий ҳол. Азар жамоага ёрдам бермоқчи ва жума куни биз билан бирга бўлади", - деди Зидан.
