«Реал» Испания чемпионатининг 35-туридан ўрин олган «Алавес»га қарши ўйинда пенальти тепиш ҳуқуқига эга бўлди.
Учрашувнинг 12-дақиқасида Карим Бензема 11 метрли жарима зарбасидан унумли фойдаланиб, ҳисобни очди. Шу тариқа, мадридликлар Ла лига доирасидаги сўнгги 3та ўйинда пенальти тепиб, ундан самарали фойдаланишмоқда.
«Атлетик» (1:0) ва «Хетафе» (1:0)га қарши ўйинларда пенальтини Серхио Рамос тепган эди. 2006 йилдан бери илк марта кетма-кет 3та ўйинда «Реал» фойдасига пенальти белгиланди.
Испания чемпионати қайта бошланганидан кейин эса "Қироллик клуби" 4 марта пенальти зарбасини амалга оширди ва уларнинг барчасини голга айлантирди.