Испания чемпионатининг 35-тури доирасида «Реал» ўз уйида «Алавес»ни қабул қилиб, 2:0 ҳисобида ғалаба қозонди.
«Қироллик клуби» дарвозабони Тибо Куртуа Ли лиганинг жорий мавсумида 18-учрашувда ўз дарвозасидан гол ўтказиб юбормади.
Бу борада «Реал» рекордини такрорлаш учун бельгиялик посбонга битта "қуруқ" ўйин қолди. Бу кўрсаткич бўйича рекорд Франсиско Буйога тегишли бўлиб, у 1986/87 йилги мавсумда "қаймоқранглилар" сафида 19та баҳсда ўз дарвозаси дахлсизлигини сақлаб қолган.