Германиянинг Sky нашри тарқатган маълумотга қараганда, Лондоннинг "Арсенал" клуби ҳимоячиси Эктор Бельерин жамоани тарк этишни хоҳламоқда.
Испаниялик футболчининг агенти Мюнхеннинг «Бавария» клуби билан музокара олиб боришга ҳаракат қилмоқда. Мюнхенликлар футболчига қизиқиш билдиришганди, аммо, германияликлар испаниялик ҳимоячини батафсил ўрганиб чиққанларидан сўнг, ушбу битимдан воз кечишганди.
Ҳимоячи ўз жамоасининг ҳозирги ҳолатидан жуда норози. Бельерин ҳеч бўлмаса ЕЧЛда иштирок этадиган бирор бир клубга ўтишни хоҳламоқда.
Тахмин қилинишича, футболчи «Арсенал»ни тарк этиш учун бор кучини ишга солади. Унинг "Арсенал" билан амалдаги шартномаси 2023 йилгача амал қилади.
