Лондоннинг "Арсенал" клуби тарбияланувчиси ва футболчиси Энзли Майтленд-Найлз Микел Артета билан чиқиша олмаяпти.

Англия матбуотининг тарқатган маълумотига қараганда, 22 ёшли футболчи жамоани тарк этишга қарор қилган. Майтленд-Найлз бош мураббий томонидан ишончни ҳис қилмаяпти.

Футболчи кўпинча «Арсенал» жамоасининг қанот ҳимоясида тўп сурмоқда, у майдон марказида ҳам ўйнай олиши мумкин. Ўз навбатида Артета клуб академияси тарбияланувчисининг муносабатидан норози бўлмоқда.

Футболчининг "Арсенал" билан 2023 йилгача шартномаси мавдуж, лекин у раҳбариятни янги жамоа излаётганлиги борасида огоҳлантиришга улгурди. Майтленд-Найлз ўзини марказий ярим ҳимояда кўрмоқда. Лекин, Артета уни бу позицияга қўймаяпти.