«Барселона» бош мураббийи Кике Сетьен жорий мавсум охирига қадар жамоа бошқарувида қоладиган бўлди. Бу ҳақда "Diario Sport" хабар тарқатди.
«Барселона» президенти Хосеп Бартомеу жума куни Сетьен билан учрашди ва жамоада юзага келган вазиятни муҳокама қилди. Учрашув якуни бўйича 61 ёшли мутахассисни мавсум охирига қадар ўз лавозимида қолдиришга қарор қилинди. Шу боис, Сетьен жамоани Европа чемпионлар лигаси нимчорак финал босқичидан ўрин олган «Наполи»га қарши учрашувга тайёрлайди. Агар мураббийнинг ўзи кетишни хоҳласагина, вазият ўзгариши мумкин.
Маълумот ўрнида. Агар «Барселона» нимчорак финалда "Наполи" тўсиғидан ўтса, Лиссабонга йўл олади ҳамда чорак финалда «Бавария» — «Челси» жуфтлиги ғолибига қарши майдонга чиқади.