«Уэска» клуби Сегунданинг навбатдаги турида «Нумансия» устидан 3:0 ҳисобида ғалаба қозонди ҳамда Ла лига йўлланмасини қўлга киритди.
Жамоа мавсум тугашига бир тур қолганида 67 очко тўплади ва 3-ўриндаги "Альмерия"дан 4 очкога илгарилаб кетди. Аввалроқ "Кадис" клуби Сегундада 1-ўрин билан Ла лигага чиққан эди.
«Уэска» ўз тарихи давомида илк ва сўнгги марта 2018/19 мавсумда юқори дивизионда иштирок этган эди.
Учинчи йўлланма Сегундада 3-6-ўринни эгаллаган жамоалар ўртасида плей-офф форматида аниқланади.