Россиялик мураббий Александр Ильич Беленков 2018 йилнинг 16 октябрь куни "Навбаҳор" бош мураббийи Андрей Канчельскисга ёрдамчи сифатида иш бошлаган эди.

2019 йилнинг июнь ойида ҳар икки мутахассис истеъфога чиқарилиб, август ойида улар яна жамоага қайтарилишди. 2020 йилги мавсум бошида эса "Навбаҳор" Беленков билан шартномани бекор қилиб, унинг ўрнига бошқа ёрдамчи мураббийни ишга қабул қилган эди.

Россиялик мутахассис шартнома қонунга хилоф равишда бекор қилинган дея ҳисоблаб, ФИФАга шикоят киритган эди. Низоларни ҳал қилиш қўмитаси ишни ўрганиб чиқиб, қуйидагича қарор қабул қилди:

1. Александр Беленковнинг шикояти қисман қаноатлантирилсин.

2. "Навбаҳор" футбол клуби 30 кун ичида Беленков қуйидаги пулларни тўлаб берсин:

— 2019 йил 1 октябригача бўлган маош ва 5% жарима — 5.300 АҚШ доллари;
— 2019 йил 1 ноябригача бўлган маош ва 5% жарима — 11.300 АҚШ доллари;
— 2019 йил 1 декабригача бўлган маош ва 5% жарима — 10.300 АҚШ доллари;
— 2020 йил 1 январигача бўлган маош ва 5% жарима — 10.300 АҚШ доллари;
— 2020 йил 23 январь куни шартнома бир томонлама бекор қилингани учун 484.100 АҚШ доллари миқдорида компенсация маблағи
Жами: 521.300 АҚШ доллари.

3. Бундан кейинги ҳар қандай шикоят рад қилинади.

4. Кўрсатилган сумма берилган муддатда тўлаб берилмаса, иш ФИФА тартиб-интизом қўмитасига кўриб чиқиш учун ўтказилади.

5. Беленков кўрсатилган суммани қабул қилиш учун "Навбаҳор" клубига зудлик билан ҳисоб рақамини тақдим этиши керак ҳамда пулни олгани ҳақида низоларни ҳал қилиш қўмитасини бохабар қилиши лозим.

6. Ишни кўриб чиққани учун ФИФА ҳисоб-рақамига 5000 швейцария франки миқдорида пул ўтказилиши керак:
—  Беленков — 1000 швейцария франки;
— "Навбаҳор" — 4000 швейцария франки;