«Лацио» клуби ҳужумчиси Чиро Иммобиле Италия А Сериясининг 34-тури доирасида ўтказилган «Ювентус»га қарши баҳсда (1:2) рақиб дарвозасини ишғол этди.
30 ёшли ҳужумчи учрашувнинг 83-дақиқасида 11 метрлик пенальтини аниқ амалга оширди. Бу Иммобиле учун ушбу мавсум А Сериядаги 30-гол бўлди. Шу тариқа Иммобиле А Сериянинг бир мавсумида 30 ва ундан кўпроқ гол урган бешинчи италиялик футболчига айланди.
Ундан олдин бундай натижани 1929/1930 йилги мавсумда Жузеппе Меацца (31 та гол), Феличе Борел (1933/1934 йилги мавсум, 31 та гол), Антонио Анжелило (1958/1959, 33) ва Лука Тони (2005/2006, 31) қайд этган.
