Режага мувофиқ бугун каратэ бўйича Ўзбекистон Миллий терма жамоаси вакиллари билан онлайн машғулот ўтказилди. Кеча Республикамизнинг турли ҳудудларидаги ёш спортчи ва мураббийлар учун маҳорат сабоқларини олиб борган эронлик Шаҳаб Султани бугун асосий терма жамоамиз билан ишлади. Жараённи МОҚ ва Ўзбекистон каратэ WKF миллий федерацияси вакиллари кузатиб боришди.

Машқлар давомида эронлик мутахассис шартли рақибга қарши ҳаракат қилиш, уй шароитида шуғулланиш пайти техникани сақлаб турадиган машқлар ва албатта, жисмоний тайёргарлик жиҳатларига алоҳида эътибор қаратди. Машғулотда Миллий терма жамоага аъзо 6 нафар спортчи иштирок этди.