Rejaga muvofiq bugun karate bo‘yicha O‘zbekiston Milliy terma jamoasi vakillari bilan onlayn mashg‘ulot o‘tkazildi. Kecha Respublikamizning turli hududlaridagi yosh sportchi va murabbiylar uchun mahorat saboqlarini olib borgan eronlik Shahab Sultani bugun asosiy terma jamoamiz bilan ishladi. Jarayonni MOQ va O‘zbekiston karate WKF milliy federasiyasi vakillari kuzatib borishdi.
Mashqlar davomida eronlik mutaxassis shartli raqibga qarshi harakat qilish, uy sharoitida shug‘ullanish payti texnikani saqlab turadigan mashqlar va albatta, jismoniy tayyorgarlik jihatlariga alohida e’tibor qaratdi. Mashg‘ulotda Milliy terma jamoaga a’zo 6 nafar sportchi ishtirok etdi.