“Формула-1” қироллик пойгаларининг собиқ раҳбари Берни Экклстоун Халқаро Олимпия қўмитасига ташрифи пайтида Муҳаммад Али томонидан 1996 йилда Атлантадаги Олимпия стадионида ўт олдирилган афсонавий машъалани ХОҚга совға қилди.

“Шахсан мен учун ушбу ноёб машъалани қидириб топиш катта фахр бўлди ва уни сақлаш учун ХОҚ музейиданда яхши жой йўқ”, – деди Берни Экклстоун.

“Бу машъала Олимпия ўйинларининг рамзидир”, – деди ХОҚ президенти Томас Бах ноёб совғани қабул қилиб олар экан.

Ушбу совға ХОҚнинг 136-сессияси бўлиб ўтганидан бир неча кун кейин топширилди. ХОҚ президенти Томас Бах совғани қабул қилиб олар экан, Муҳаммад Алининг дафн этилишида ҳилпираган икки байроқнинг биттаси Олимпия байроғи бўлганлигини ёдга олиб, унинг бирдамлик ғоясидан иқтибос келтирди: “Биз Ер юзида бўлган ҳамма вақтимизни раҳмдиллик ёки уялгандан эмас, балки барча одамларга муҳаббатимиз туфайли бошқаларга ёрдам беришга ва улар учун адолат ва тенглик яратишга сарфлашимиз керак”.