«Байер» ярим ҳимоячиси Кай Хаверц «Челси» билан янги шартнома борасида келишувга эришди.
Журналист Николо Скира твиттер орқали тарқатган хабарга кўра, 21 ёшли футболчи билан 5 йиллик шартнома имзоланади. Германиялик футболчининг йиллик маоши 8 миллион евро тенг бўлади ҳамда қўшимча бонуслар ҳам кўзда тутилади.
Энди «Челси» Хаверцнинг трансфери борасида «Байер» билан келишувга эришиши керак. Аввалроқ лондонликлар Кай учун 100 млн евро тўлаши ҳақида маълумот тарқатилган эди.
Хаверцнинг леверкузенликлар билан шартномаси 2022 йилга қадар тузилган. Якунланган мавсумда футболчи барча мусобақалар доирасида 43та ўйинда майдонга тушиб, уларда 17та гол урди ва 9та голга узатма берди.