"Брайтон" "Ливерпуль" яримҳимоячиси Адам Лаллана учун асосий даъвогарга айланди, дея хабар беради The Times нашри.

Манбада айтилишича, 32 ёшли футболчи ушбу клуб сафига қўшилишга яқин турибди.

Хабар берилишича "Лестер", "Саутгемптон", "Эвертон" ва "Бернли" жамоалари ҳам футболчига қизиқиш билдирмоқда.

Эслатиб ўтамиз, 2014-йилдан бери "Ливерпуль" сафида ўйнаб келаётган футболчининг шартнома муддати тугайди, ва Лаллана 2019/20 мавсум охирида "Ливерпуль"ни тарк этади.

Маълумот учун, 2019/20 йилги мавсумда Лаллана "Ливерпуль" сафида 22 та ўйин ўтказиб 1 та гол ва 2 та голлик узатма амалга оширди.