Мадриднинг "Реал" клуби ярим ҳимоячиси Такефуса Кубо кейинги мавсумни ҳам ижара асосида бошқа жамоада ўтказиши мумкин.
19 ёшли япониялик футболчи хизматига "Севилья" клуби қизиқиш билдирмоқда. Андалусияликлар футболчини сотиб олиш ҳуқуқи билан бир йилдан кўпроққа ижарага олмоқчи.
Эслатиб ўтамиз, Кубога шунингдек, "Реал Сосьедад" ва "Милан" клублари ҳам қизиқиш билдирмоқда. Сан-себастьянликлар футболчи борасида "қироллик клуби"га расмий таклиф юборишга ҳам улгурган.
Маълумот учун, жорий мавсумни Кубо ижара асосида "Мальорка"да ўтказди. У 35та ўйинда майдонга тушиб, 4та гол урди ва 5та голга ассистентлик қилди.
