Италия чемпионатининг 36-тури доирасида «Ювентус» ўз майдонида «Сампдория»ни қабул қилиб, қийин ғалабани қўлга киритди.

Биринчи бўлимга қўшиб берилган 7-дақиқа ўтиб бораётганида "Ювентус" жарима зарбасини тепиш ҳуқуқини қўлга киритди. Пьянич ҳимоячиларни чалғитиб, жарима майдони ичидаги Роналдуга пас берди. Криштиану 12 метрлардан дарвоза томон аниқ зарба берди ва ҳисобни очди.

Иккинчи бўлим ўрталарида мезбонлар тезкор қарши ҳужум ташкил қилишди. Роналдунинг зарбасидан кейин дарвозабон тўпни қайтарди. Тўпга биринчи бўлиб етиб келган Бернардески ҳисобдаги фарқни оширди.

Орадан 10 дақиқа ўтиб меҳмонлар ярим ҳимоячиси Торсби иккинчи сариқ карточкани олиб, майдонни тарк этди.

Ўйин сўнгида Роналду учун яхши имконият юзага келди — "Сампдория" дарвозаси томон пенальти белгиланди. Криштианунинг кучли зарбасидан кейин тўп тўсинга тегиб, майдонни тарк этди.

Шунга қарамай, "Ювентус" ғалаба қозонди ҳамда мавсум тугашига 2 тур қолганида Скудеттони қўлга киритди.

Италия А серияси, 36-тур
Ювентус – Сампдория 2:0 (1:0, 1:0)
Голлар: 1:0 – 45 Роналду, 2:0 – 67 Бернардески.
Ноаниқ пенальти: Роналду (89, тўсин)
Ювентус – Шченсни, Алекс Сандро, де Лигт (Ругани, 78), Бонуччи, Данило (Бернардески, 29), Рабьо, Матюиди, Пьянич (Бентанкур, 78), Куадрадо, Дибала (Игуаин, 40), Роналду.
Сампдория – Аудеро, Тонелли, Шабо (Лерис, 22), Ауджелло, Депаоли, Янкто (Габбьядини, 73), Торсбю, Рамирес (Марони, 90), Линетти, Йосида, Куальярелла.
Огоҳлантиришлар: Пьянич (45), Торсбю (45), Тонелли (45), Янкто (65), Бернардески (69), Куадрадо (80), Рабьо (86), Депаоли (88).
Четлатиш: Торсбю (77).