Немис матбуоти тарқатган маълумотга қараганда, Германиянинг "Шальке" клуби ҳимоячиси Ўзан Кабакка Англиянинг «Ливерпуль» клуби қизиқиш билдирмоқда. 20 ёшли футболчи жамоани тарк этиши кутилаётган Деян Ловренга ўринбосар сифатида кўрилмоқда.
Тахминларга кўра, хорватиялик Ловрен яқин вақтлар ичида Россиянинг «Зенит» клубига кўчиб ўтади. Агар ушбу битим амалга ошадиган бўлса, у ҳолда, «Ливерпуль» клуби сафида учта марказий ҳимоячи қолади.
«Шальке» ўз футболчисини 35 миллион евро атрофида сотиш ниятида. Лекин, англияликлар футболчини арзонроққа сотиб олиш ниятида.
Кабак – «Шальке»нинг асосий ҳимоячиси ҳисобланади. У жорий мавсумда 28 та учрашувда майдонга тушди.
