«Навбаҳор» ярим ҳимоячиси Иван Соловьёв «Уфа» футболчиси Остон Ўруновнинг  «Спартак» клубига ўтиши мумкинлиги ҳақидаги хабарларга ўз муносабатини билдирди. Аввалроқ Ўрунов Наманганда Соловьёв билан бирга тўп тепган.

«Мен Ўрунов билан ярим йил бирга ўйнадим. Остон — ўзбекистонлик Халк. Унинг мушаклари массаси тахминан Халкникидек. У — иқтидорли футболчи. Агар «Спартак»да уни пас ўйнашга ўргатишса, у топ ўйинчига айланади.

Ўрунов Зобнинга нисбатан бошқачароқ позицияда ўйнайди. Остон — тезлик ва дриблингга эга бўлган яхши ўйинчи. Энг асосийси, унга пас орқали ўйнашни ўргатиш керак. Агар у жамоа учун ўйнашни ўрганса ва жамоага мослашса — Остон РПЛнинг янги мавсумида кашфиётга айланади. Унинг зарбаси ҳам жуда яхши. У Халк даражасидаги ўйинчига айланади, сизга кафолат бераман. Иккинчи Халк, фақат ўзбекистонлик. Биринчи турда унинг жарима майдони ташқарисидан урган голини эслайман. Ўрунов — ҳақиқий машина.

Остон рус тилини биладими? Биз ўзбек тилида қандай қийналиб гапирсак, у ҳам шундай сўзлайди. Ўрунов рус тилини тушунади, лекин жавоб бера олмайди. Аммо Остонга бу халал бермайди. У яхши йигит. Шунчаки рус тилидаги ҳамма сўзни билмайди. Лекин унга гапирилаётган фикрларни тўлиқ тушунади.

Ҳечқиси йўқ, «Спартак»да унга тилни тезда ўргатишади. Ҳаммаси жойида бўлади. Остон — ҳақиқий профессионал ва эътиқодли инсон. Умид қиламан, у «Спартак»да муваффақиятга эришади", — деди Соловьёв.