«Навбаҳор» бош мураббийи Андрей Канчельскис «Уфа» футболчиси Остон Ўруновнинг  «Спартак» клубига ўтиши мумкинлиги ҳақидаги хабарларга ўз муносабатини билдирди.

«Ўруновнинг «Спартак» сафига ўтиши тўғри қарорми? Агар раҳбарият ва мураббийлар штаби уни жамоада кўришни исташса, тўғри қарор бўлади. Мен Ўрунов билан ишлаганман, у менинг қўл остимда ўйнаган. Унинг кўрсаткичлари ажойиб. Уни тўғри йўналишда ривожлантирилса, кучли ўйинчига айланиши мумкин.

Унинг жисмоний кўрсаткичлари яхши, техникаси зўр, тезлиги бор, яккама-якка вазиятда алдаб ўтиб кета олади. Бу жуда яхши трансфер бўлиши мумкин. Бундан ташқари, кўп нарса у мухлисларнинг босимига қандай дош беришига ва «Спартак» ундан қандай фойдаланишига боғлиқ. Бу талаблар, бу ишқибозлар, бу Россиянинг биринчи рақамли жамоа — бу «Уфа» эмас. Руҳий томондан дош бера оладими ёки йўқми — бу бошқа масала.

Узатма беришда муаммо борми? Демак, ўргатиш керак. Аммо уни узатма бериш қобилиятини ёмон деб айтмаган бўлардим. Нима «Спартак»ка келганларнинг барчасида узатма бериш қобилияти зўр бўлганми? Тедеско бошчилигидаги мураббийлар штаби унинг ўйинини кўрган ва Остондан қандай фойдаланиш мумкинлигини тушуниб турибди. Ҳамма нарса уни жамоада қандай қабул қилишларига ва у катта жамоадаги руҳий босимни енгиб ўтишига боғлиқ», — деди Канчельскис.