Миланнинг «Интер» клуби бош мураббийи Антонио Конте «Наполи» устидан қозонилган ғалаба ҳақидаги фикрлари билан ўртоқлашди.

«Сўнгги йилларда «Ювентус» клубига жиддий рақобат кўрсатиб келган жамоага қарши яхши ўйин намойиш этдик. «Наполи» таркибида кўплаб тажрибали футболчилар бор. «Интер»ни кўрсатган ўйини мақтовга лойиқ. «Аталанта»нинг «Парма» устидан қўлга киритган ғалабаси ҳам осон бўлмади, шу сабабли, бугунги учрашувда ғалаба қозонишимиз шарт эди.

Сўнгги турда «Аталанта»га қарши бўладиган ўйин? Гасперини жамоада катта ишларни амалга оширди. Жамоа мавсумдан мавсумга ўсиб бормоқда, ўз лойиҳасига мос тушадиган футболчиларни топишга эришди. Бу бизнинг моҳиятимизни кўрсатадиган яхши синов бўлади. Ўйлайманки, бу А Сериянинг сўнгги туридаги ажойиб ўйин бўлади.

Мен умидлар катта эканлигини тушунман. Одамлар мени сеҳргар деб ўйлашади, лекин ундай эмас. Мен сеҳргар эмасман ва теккан барча нарсаларимни олтинга айлантира олмайман. Бу ўтмишда содир бўлган, аммо бу ҳар доим ҳам шундай бўлади деганимас», - деди Антонио.