Аргентина терма жамоаси собиқ футболчиси Умберто Маскио Каталониянинг "Барселона" клуби сардори Лионел Месси ҳақида фикр билдирди.
"Мен Ди Стефано, Пеле, Марадон, Кройфларни кўрдим, лекин Месси - энг зўри. Мен уларнинг бир нечтасига қарши ўйнаганман, бироқ, қайтараман Месси - энг зўри. улар ўз вақтида буюк футболчилар бўлган, бироқ замонавий футбол билан у пайтдаги футболнинг темпида фарқ бор. Шунчаки Месси киритаётган голларга эътибор беринг.
Месси майдонда кам югуради, бироқ, керакли пайтда тўп унинг оёғига ёпишиб қолади. Мен ажойиб тезликка эга бўлган футболчиларни кўрдим, лекин улар тўпни эгаллаб олганларидан сўнг, югуриш тезлигини пасаяди. Лео билан эса аксинча, бу у ишни фантастик даражада бажаради", - Маскионинг сўзларидан иқтибос келтирмоқда Diario Sport.
Жорий мавсум Месси 42 та учрашувда майдонга тушиб, 30 та гол киритди ва 27 та голга ассистентлик қилди.
