«Арсенал» ёзги трансфер пайтида таркибда катта тозалаш ишларини ўтказиши мумкин.
"Daily Mail" тарқатган хабарга кўра, "канонирлар" 9 футболчини трансферга қўймоқчи. Александр Ляказетт, Эктор Бельерин, Роб Холдинг, Сократис, Шкодран Мустафи, Сеад Колашинац, Маттео Гендузи, Лукас Торрейра ва Генрих Мхитарян лондонликлар сафини тарк этиши мумкин.
«Арсенал» Англия кубогида ғалаба қозониб, Европа лигаси йўлланмасини қўлга киритди. Бунинг учун жамоа мукофот пулини олади, аммо бу пул янги трансферлар учун камлик қилади. Шунинг учун клуб ўз ўйинчиларини сотиш орқали таркибни кучайтирмоқчи.