«Arsenal» yozgi transfer paytida tarkibda katta tozalash ishlarini o‘tkazishi mumkin.
"Daily Mail" tarqatgan xabarga ko‘ra, "kanonirlar" 9 futbolchini transferga qo‘ymoqchi. Aleksandr Lyakazett, Ektor Belyerin, Rob Xolding, Sokratis, Shkodran Mustafi, Sead Kolashinas, Matteo Genduzi, Lukas Torreyra va Genrix Mxitaryan londonliklar safini tark etishi mumkin.
«Arsenal» Angliya kubogida g‘alaba qozonib, Yevropa ligasi yo‘llanmasini qo‘lga kiritdi. Buning uchun jamoa mukofot pulini oladi, ammo bu pul yangi transferlar uchun kamlik qiladi. Shuning uchun klub o‘z o‘yinchilarini sotish orqali tarkibni kuchaytirmoqchi.