«Реал» бош мураббийи Зинедин Зидан Чемпионлар Лигаси 1/8 финалидан ўрин олган «Манчестер Сити»га қарши ўйиндан (1:2) сўнг истеъфога чиқиши мумкинлиги ҳақидаги миш-мишларга изоҳ берди ва жамоасининг ўтган мавсумдаги натижасидан ғурурланиши ҳақида гапирди.

"Мен шу ердаман ва ғайриоддий нимадир содир бўлгунига қадар «Реал» мураббийи бўлиб қолавераман. Бўлмағур гапларни ўйлаб топиш шарт эмас. Мен «Реал» мураббийиман, шу билан гап тамом. Бу борада бошқа саволларга ҳожат йўқ. Энди барчамиз дам олишимиз ва яна бир ажойиб мавсумга тайёрланишимиз керак.

Ўтган мавсум билан фахрланишимиз керак. Мен эришган ютуқларимиз билан ғурурланаман. Албатта, муваффақиятсизликка учрагач, хурсанд бўлолмаймиз. Футболчилар ҳам натижадан ранжиган, аммо биз ажойиб мавсум ўтказганимиздан ғурурланишимиз керак.

Футболчилар майдонда борини берди, менимча, муҳими шу. Бизга нимадир етишмади, ҳозирча бу нималигини билмайман", -деди мураббий.